कॉंग्रेस पुन्हा नंबर १!
नगर पंचायत निवडणुकीत जिंकल्या सर्वाधिक १०७ जागा
मुंबई, दि. ११ जानेवारी २०१६:
स्थानिक स्वराज्य संस्थांमध्ये कॉंग्रेसच अव्वल असल्याचे पुन्हा एकदा सिद्ध झाले आहे. राज्यातील १७ नगर पंचायत निवडणुकींमध्ये २८९ पैकी कॉंग्रेसने सर्वाधिक १०७ जागा जिंकून आपले वर्चस्व सिद्ध केले.
आज झालेल्या मतमोजणीत कॉंग्रेसने इतर राजकीय पक्षांच्या तुलनेत घवघवीत यश मिळवले. १७ पैकी नांदेड जिल्ह्यातील नायगाव व हिमायतनगर, उस्मानाबाद जिल्ह्यातील वाशी, नंदूरबार जिल्ह्यातील आक्राणी, नाशिक जिल्ह्यातील दिंडोरी आणि चंद्रपूर जिल्ह्यातील जिवती व कोरपना या ७ नगर पंचायत निवडणुकीमध्ये कॉंग्रेसने स्पष्ट बहुमत पटकावले. एकूण २८९ जागांपैकी कॉंग्रेसने १०७, राष्ट्रवादी कॉंग्रेसने ५८, शिवसेनेने ५५ तर भाजपने २४ जागा जिंकल्या.
या यशाबद्दल महाराष्ट्र प्रदेश कॉंग्रेस कमिटीचे अध्यक्ष खा. अशोक चव्हाण यांनी मतदारांचे आभार मानले असून, संबंधित पदाधिकारी व कार्यकर्त्यांचे अभिनंदन केले आहे.
No comments:
Post a Comment